L'altu pratu

Oghje, una puesia sola, chì mi piace assai : discrive u veru paradisu (quasi dantescu) di a literatura corsa, sicondu mè, dapoi a brama zitellesca sin'à oghje è quì, una mossa chì giranduleghja, chì volta è gira senza mai piantassi. (Ma forse truverete issu testu à pena troppu liricu ? parlemu ne...)


L'ALTU PRATU

Quassù nantu à l'altu pratu
Trinca u son di un viulinu
Volta è gira a ronda zitellina

A notte sottu à e stelle
A ghitara pè cuscinu
Accumpagni u cantu di e spiscine

Pè e strade di u mondu
Cantarinu hè u to versu
Chì a to voce movi l'universu

Cumpagnu girandulone
Fratellu di e mo fame
Di cantà tutt'ognunu hè in brama

Si à spessu sì infelice
Cercali bè i to pari
Hanu in core u là di a ghitara

È si puru di cantà
Ùn cunnosci l'armunia
Fà una strinta d'ochju à a puesia

Ùn ti scurdà d'issa mossa
Chì t'hà purtatu oghje quì
À tutti cantali puru cusì

Quassù nantu à l'altu pratu
Trinca u son di un viulinu
Volta è gira a ronda zitellina

(L'autori ? Dominique Nobili è François Pesce, issu puema u cantanu I Chjami Aghjalesi nant'à u dischettu "L'altu pratu di a mimoria" (1983).)